Rusiyanın neft emalı zavoduna endirilən zərbənin daha bir VİDEOSU

Ukrayna Prezidenti Volodimir Zelenski Ukrayna Silahlı Qüvvələrinin Rusiya ərazisindəki strateji hədəflərə qarşı növbəti uğurlu uzaqmənzilli zərbələr endirdiyini açıqlayıb.

Bizim.Media xəbər verir ki, dövlət başçısının sözlərinə görə, həyata keçirilən xüsusi əməliyyat nəticəsində Rusiyanın Saratov vilayətində yerləşən neft emalı zavodu (NEZ) uğurla vurulub.

Zelenski çıxışı zamanı hücumların coğrafiyasının geniş olduğunu vurğulayaraq, Saratovla yanaşı Rostov və Kirov vilayətlərindəki strateji obyektlərin, həmçinin Rusiya ordusunun Xəzər dənizində yerləşən hərbi bazasının (hərbi məntəqəsinin) da hədəf alındığını və dəqiqliklə vurulduğunu qeyd edib.

Ekspertlər bu zərbələrin Rusiyanın hərbi-iqtisadi potensialını, xüsusilə də cəbhə xəttini yanacaqla təmin edən energetika infrastrukturunu sıradan çıxarmaq məqsədi daşıdığını bildirirlər.

Digər tərəfdən, Xəzər dənizindəki hərbi infrastrukturun hədəf alınması Ukraynanın uzaqmənzilli zərbə imkanlarının miqyasını bir daha nümayiş etdirir.


Bizim.Media