Uqanda Səhiyyə Nazirliyi ölkədə “Ebola” qızdırması epidemiyasının baş qaldırdığını bəyan edib.
Bizim.Media xəbər verir ki, bu barədə "Daily Monitor" qəzeti məlumat yayır.
Qeyd olunur ki, söhbət virusun "Bundibugyo" yarımtipinin yayılmasından gedir.
Qurumun məlumatına görə, virus Uqandaya Konqo Demokratik Respublikasından keçib.
Bundan əvvəl Konqo Demokratik Respublikasında da “Ebola” epidemiyası qeydə alınmışdı. İnfeksiyanın ocağı Monqvalu və Rvampara rayonlarında yerləşir.
“Ebola” – kəskin, son dərəcə yoluxucu və ölümcül təhlükəli virus xəstəliyidir. O, ağır intoksikasiya, kəskin hemorragik sindrom (çoxsaylı daxili və xarici qanaxmalar) ilə müşayiət olunur və ştamından asılı olaraq hadisələrin 30-90%-ində ölüm ilə nəticələnir.
“Ebola” virusu insanlara vəhşi heyvanlardan keçir, daha sonra isə insanlar arasında yayılır.
“Ebola”nın ilkin simptomlarına yüksək qızdırma, əzələ, baş və boğaz ağrıları daxildir.
Bizim.Media
