“Birləşmiş Ştatlar İranda qızlar məktəbinə endirilən zərbə ilə bağlı araşdırma aparır”.
Bizim.Media TASS-a istinadla xəbər verir ki, bunu Ağ Evin rəhbəri Donald Tramp bəyan edib.
"Biz bir neçə məsələ ilə bağlı araşdırma aparırıq. Amma bəli, bu da onlardan biridir, araşdırılır", – deyə o, Pekindən Alyaskaya uçan prezident təyyarəsinin göyərtəsində media nümayəndələrinin müvafiq sualına cavab verərkən bildirib.
Bundan əvvəl "The New York Times" qəzeti ilkin araşdırmanın nəticələrinə istinadən xəbər vermişdi ki, məktəbə zərbə hədəfin səhv təyin olunması səbəbindən "Tomahawk" raketi ilə endirilib.
Faciə fevralın 28-də, ABŞ və İsrailin İrana qarşı hərbi əməliyyatının ilk günündə baş verib. Hücum nəticəsində təhsil müəssisəsinin 168 şagirdi və 14 əməkdaşı həyatını itirib.
Bizim.Media
