Almaniyanın BSW partiyasının təsisçisi Sahra Vaqenknext bildirib ki, Almaniya Kansleri Fridrix Merts hökumət başçısı postundan getməlidir.
Bizim.Media onun "X" sosial şəbəkəsindəki paylaşımına istinadla xəbər verir ki, əgər XDS/XSS (Xristian-Demokrat və Xristian-Sosial İttifaqları) bloku və SDPA-dan (Almaniya Sosial-Demokrat Partiyası) ibarət hökumət daha üç il fəaliyyət göstərsə, AFR-i (Almaniya Federativ Respublikasını) xilas etmək artıq mümkün olmayacaq.
"Merts - AFR tarihində ən qeyri-populyar kanslerdir! Son sorğuya əsasən, vətəndaşların 87 faizi Almaniya hökumətinin işindən narazıdır. Əksəriyyət XDS/XSS və SDPA koalisiyasının vaxtından əvvəl dağılmasını arzulayır", - siyasətçi yazıb.
Onun fikrincə, əgər bu hökumət daha üç il işləsə, Almaniyanı xilas etmək praktiki olaraq qeyri-mümkün olacaq, buna görə də Merts getməlidir.
Vaqenknext qeyd edib ki, daxili ziddiyyətlər içində parçalanan AFR hökuməti vətəndaşları yanacaq qiymətlərinin sürətli artımından belə qoruya bilmir.
Bizim.Media
