Türkiyə Prezidenti Rəcəb Tayyib Ərdoğan iyunun 3-də uzun sürən xəstəlikdən sonra dünyasını dəyişən əfsanəvi boksçu Məhəmməd Əli ilə bağlı rəsmi “Twitter”x9d hesabından mesajlar paylaşıb.
Türkiyə Prezidenti paylaşdığı mesajlarında bunları qeyd edir.
“Dünən əbədiyyətə qovuşan Məhəmməd Əli milyonların qəlbini fəth edən böyük bir idmançı və gözəl insan idi. Məhəmməd Əlinin ömrü boyu irqçiliyə və ayrı-seçkiliyə qarşı verdiyi azadlıq mübarizəsi heç zaman unudulmayacaq. “Əzmi, cəsarəti, qərarlılığı bütün insanlığa ilham qaynağı olan Məhəmməd Əliyə Allahdan rəhmət diləyirəm”x9d, - Ərdoğan yazıb.
İyunun 3-də vəfat edən Məhəmməd Əli iyunun 10-u ABŞ-ın Luisvil şəhərində torpağa tapşırılacaq. Bu barədə Məhəmməd Əlinin ailə üzvləri məlumat veriblər.
Mərasimdə ABŞ-ın sabiq prezidenti Bill Klinton da iştirak edəcək. Vida mərasiminin internet vasitəsilə canlı yayımlanacağı bildirilir.
Dünyanın ən məşhur idmançılarından biri olan Məhəmməd Əli ölümündən iki gün əvvəl tənəffüs sistemində yaranan problemlə bağlı yerləşdirildiyi Arizona ştatının Feniks şəhər xəstəxanasında dünyasını dəyişib.
Əfsanəvi boksçunun ölümü dünyanın hər yerində kədərlə qarşılanıb. ABŞ prezidenti Barak Obama da idmançı ilə bağlı fikirlərini bölüşüb: “Hamı kimi mən və Mişel də onun ölümündən kədərlənirik. Amma biz eyni zamanda bir anlıq olsa belə onu tanıdığımıza görə Tanrıya minnətdarıq”x9d.
1984-cü ildən Parkinson xəstəliyindən əziyyət çəkən Məhəmməd Əli peşəkar karyerası ərzində 37-si nokautla olmaqla, 56 döyüşdə rinqi qələbə ilə tərk edib. O, keçirdiyi 61 döyüşün yalnız 5-də məğlubiyyətə uğrayıb. Onun adı peşəkar boksun simvoluna çevrilib.
Məhəmməd Əli 1960-cı ildə Roma Olimpiya Oyunlarının çempionu olub, 1999-cu ildə isə “Əsrin idmançısı”x9d seçilib.
Onu da qeyd edək ki, 1942-ci il yanvarın 17-də ABŞ-ın Kentukki ştatının Luisvill şəhərində doğulan Məhəmməd Əli İslam dinini qəbul edənədək Kassius Marsellus Kley (Cassius Marcellus Clay) adını daşıyıb.
