Cəlilabad rayonunda ağır cinayət hadisəsi ilə bağlı əməliyyat tədbirləri həyata keçirilib.
Bizim.Media-nın yerli bürosu xəbər verir ki, rayonun Məhəmməd Hadi küçəsində dayısının həyat yoldaşını qətlə yetirməkdə şübhəli bilinən şəxs polis əməkdaşları tərəfindən saxlanılaraq istintaqa təhvil verilib.
Xatırladaq ki, bu gün 2011-ci il təvəllüdlü Əzizov Anarın 1999-cu il təvəllüdlü Cəfərova Səidəyə xəsarətlər yetirməsi nəticəsində qadın hadisə yerində həyatını itirib.
Hadisə ilə bağlı ilkin olaraq ağır cinayət faktı qeydə alınıb. Şübhəli şəxsin saxlanılması istiqamətində aparılan əməliyyat-axtarış tədbirləri nəticəsində onun yeri müəyyən edilərək polis tərəfindən tutulduğu bildirilir.
Faktla bağlı istintaq tədbirləri davam etdirilir.
Bizim.Media
