Köhnə əşyaların qiymətləndirilməsində ən mühüm amil onların "zavod möhürlü" (factory sealed) olmasıdır. Məsələn, 2007-ci ildə istehsal edilmiş ilk nəsil iPhone smartfonu əgər heç açılmayıbsa, hərraclarda 63.000 dollardan başlayan qiymətlərlə alıcı tapır.
Texnologiya dünyasında əsl xəzinə sayılan və 1976-cı ildə Stiv Cobs tərəfindən yığılan işlək vəziyyətdəki Apple-1 kompüterlərinin qiyməti isə 400.000 dollardan 900.000 dollara qədər yüksələ bilir.
Bizim.Media xəbər verir ki, video oyun dünyası da inanılmaz rəqəmlərlə zəngindir.
1985-ci ildə buraxılmış və qutusu açılmamış “Super Mario Bros.” oyunu hərracda rekord məbləğə – 2 milyon dollara satılaraq sahibini anidən milyonçuya çevirib.
Bənzər şəkildə, “The Legend of Zelda” oyununun nadir nüsxələri 870.000 dollar civarında dəyərləndirilir. Yalnız oyunlar deyil, həm də nadir kolleksiya kartları böyük sərvət deməkdir; məsələn, mükəmməl vəziyyətdə olan bir “Pokémon Pikachu Illustrator” kartının qiyməti 5 milyon dollardan çox ola bilər.
Məişət və dekorativ əşyalara gəldikdə isə, SSRİ dövründə xüsusi seriya ilə buraxılmış, üzərində zavod nişanı olan bəzi çini fiqurlar və ya Lomonosov adına zavodun nadir naxışlı qabları beynəlxalq antikvar bazarlarında 10.000 dollardan 50.000 dollara qədər alıcı tapa bilir.
Həmçinin, evinizdəki köhnə sandıqlarda qalan və səhvən çap edildiyi üçün nadir sayılan sikkələr və ya poçt markaları da on minlərlə dollar dəyərindədir.
Mütəxəssislər xəbərdarlıq edir ki, əlinizdəki əşyanın həqiqi dəyərini müəyyən etmək üçün mütləq peşəkar ekspert rəyi alınmalıdır, çünki kiçik bir detal qiyməti on qat artıra bilər. (nocomment.az)
Bizim.Media
