Moderator.azxa0bir daha xatırladır ki, 90-cı illərin sonlarında ölkəmizdə fəaliyyətə başlayan bu məscid Azərbaycanda vəhabilik təliminin əsasını qoyub. Bu məscidə gedən minlərlə gənc saqqal uzadıb, balaqlarını gödəldərək özlərini Azərbaycan cəmiyyətindən təcrid etdi. Onların bəziləri Əfqanıstan, İraq, Çeçenistana gedərək oradakı cihadlara qoşuldu. İlk namazını bu məsciddə qılan mindən çox azərbaycanlı gənc bu gün Yaxın Şərqdəki hansısa müharibədə öldürülüb. Bütün bunlar danılmaz bir fakt olaraq qalır.xa0
Məscid daxilində də hər zaman ziddiyətlər mövcud olub. Belə ki, ibadət ocağında olan bir qrup həmişə cihadın Azərbaycan üçün də vacib olduğunu vurğulayırdı. Onların bir çoxu Azərbaycanda terror aktlarının həyata keçirilməsinin tərəfdarı olublar. Həmin təriqətin tərəfdarları arasındakı mübarizənin pik nöqtəsi 2008-ci ilin yayında baş verdi. Radikallar zöhr namazı vaxtı məscidə RQD qumbarası atdı, nəticədə 2 nəfər həlak oldu. O gündən qapadılan məscidin yenidən açılması gündəmə gəlib.xa0
Moderator.az olaraq aidiyyatı dövlət qurumlarına səslənərək bu tip məsələdə həssas olmağa çağırırıq.
