18 yaşlı qız qonaq getdiyi evdə qətlə yetirildi – FOTO-VİDEO

Türkiyədə, Kocaeli vilayətinin Darıca rayonunda 18 yaşlı Ece Naz Macitin ölümü ilə nəticələnən ağır cinayət hadisəsi baş verib.

Bizim.Media xəbər verir ki, iyunun 29-da qonaq getdiyi evdə səhər yeməyi hazırlayarkən kürəyindən vurulan gənc qızın ölümü ilə bağlı 3 nəfər həbs edilib.

Cinayətin təfərrüatları və gedişatı:

Hadisə anı: Ece Naz Macit səhər yeməyi hazırladığı, konkret olaraq kartof qızartdığı zaman arxadan açılan atəş nəticəsində ağır yaralanıb. Xəstəxanaya çatdırılsa da, həkimlərin müdaxiləsinə baxmayaraq, onun həyatını xilas etmək mümkün olmayıb.

Həbslər: Cinayət şəbəsinin əməkdaşlarının araşdırmalarından sonra hadisə yerində olan S.C.G., Y.O. və A.A. adlı şəxslər saxlanılıb. Məhkəmənin qərarı ilə hər 3 şübhəli "qəsdən adam öldürmə" və silah qanunvericiliyini pozma maddələri ilə həbs olunaraq cəzaçəkmə müəssisəsinə göndərilib.

Qızını itirməyin acısını yaşayan 46 yaşlı ana Döne Macit ədalətin bərpa olunmasını tələb edir:

"Çocuğum səhər yeməyi hazırlayarkən, kartof qızardarkən hadisə baş verib. Arxadan atəş açmaq nə deməkdir?".

Nəvəsini itirən nənə Hayriye Gazi də göz yaşları içində ədalət çağırışı edib:

"Uşağımın qanı yerdə qalmasın. O mənim bir dənəm idi. Çiçəyimi əlimdən alıb getdilər".

Ana Döne Macit, həmçinin sosial şəbəkələrdə qızının ünvanına yazılan əsassız şərhlərə etiraz edərək, övladının çox təmiz, xoşniyyətli və heç kimə zərəri dəyməyən biri olduğunu vurğulayıb.








Bizim.Media