Ermənistanda seçki məntəqələri bağlandıqdan sonra polis təhlükəsizlik tədbirlərini gücləndirib, paytaxtın mərkəzinə əlavə hüquq-mühafizə orqanlarının əməkdaşları cəlb olunub.
Bizim.Media xəbər verir ki, bu barədə "TASS" agentliyinin müxbiri məlumat verib.
Polis avtobusları ölkənin hökumət binalarının yerləşdiyi Respublika meydanı boyu yerləşdirilib.
İnsanların çox olmasına baxmayaraq, şəhərin mərkəzində vəziyyət sakit olaraq qalır. Parlament seçkilərində səsvermə yerli vaxtla saat 20:00-da başa çatıb. Məntəqələr bağlandıqdan sonra seçki komissiyalarının üzvləri səslərin hesablanmasına başlayıblar.
Səsvermənin ilk nəticələrinin yerli vaxtla gecə yarısına yaxın açıqlanacağı gözlənilir.
Ermənistanda parlament seçkilərində seçki məntəqələrinin bağlandığı ana olan yekun seçici fəallığı 58,97% təşkil edib. Səsvermədə 1 milyon 476 min 597 vətəndaş iştirak edib.
Bizim.Media
