Dağıstanın Qubden kəndində ekstremist birliyin 11 təşkilatçısı saxlanılıb.
Bizim.Media bu barədə Rusiya İstintaq Komitəsi məlumat yayıb.
Məlumatda qeyd olunub ki, onlar 10 il ərzində yerli sakinləri qorxu altında saxlayaraq, ərazidə faktiki olaraq öz hakimiyyətlərini qurublar.
Girişdə radikallar kəndə kimin girə biləcəyini və kimin girə bilməyəcəyini müəyyən etmək üçün yoxlama məntəqəsi qurublar. Gecələr yol tamamilə bağlanıb və 24 saat müşahidə üçün kameralar quraşdırılıb.
Anklav daxilində patrullar fəaliyyət göstərirmiş. Onlar həyat tərzləri dəyərlərinə uyğun olmayan həmkəndliləri axtarırmışlar. Daha sonra tutulub xüsusi müəssisəyə aparılırmış, orada döyülüb, təhqir və şantaj edilirmiş.
“Bu "kiçik dövləti" ləğv etmək üçün xüsusi təyinatlılar cəlb olunub. Artıq doqquz şübhəli həbs edilib, daha iki nəfərin isə yaxın vaxtlarda nəzarətə alınacağı gözlənilir”, - deyə məlumatda qeyd olunub.
Bizim.Media
