Ermənistan Baş naziri Nikol Paşinyanın keçmiş həyat yoldaşı Anna Akopyan iyunun 7-də keçiriləcək parlament seçkilərində Paşinyanı dəstəkləyəcək.
Bizim.Media xəbər verir ki, bu barədə Akopyanın yaxın ətrafında olan mənbələr ölkənin “İravunk” qəzetinə danışıblar.
Mənbələrin sözlərinə görə, Anna yaxınlarına Paşinyanın yenidən ölkənin Baş naziri seçilməsini dəstəklədiyini deyib və onlara da eyni addımı atmağı tövsiyə edib.
“Qoy bizim münasibətlərimiz sizin Baş nazirə olan münasibətlərinizə təsir etməsin. Mən özüm də vətəndaşlıq borcumu yerinə yerinə yetirəcəyəm və hazırkı Baş nazirə səs verəcəyəm”, - deyə Akopyan yaxınlarına bildirib.
Xatırladaq ki, Paşinyan və Akopyan fevralın sonunda münasibətlərinə son qoyublar.
Bizim.Media
