Çinin paytaxtı Pekində bayram tədbiri zamanı humanoid robotla bağlı maraqlı insident yaşanıb.
Bizim.Media xəbər verir ki, hadisə şəhərin mərkəzi parklarından birində keçirilən çıxış zamanı baş verib.
“Unitree” şirkətinə məxsus robot rəqs nömrəsində iştirak etməli idi. Lakin çıxış zamanı robot tarazlığını itirərək yerə yıxılıb.
Bundan sonra o, ətrafdakı iştirakçıların yanında əllərini və ayaqlarını nəzarətsiz şəkildə hərəkət etdirməyə başlayıb.
Hadisə yerində olan operator dərhal meydana çıxaraq robotu dayandırıb və ərazidən uzaqlaşdırıb.
Görüntülər sosial şəbəkələrdə “robotların üsyanı” başlığı ilə müzakirə olunub.
Bizim.Media
