Rusiyanın Kazan şəhərində ağır yol-nəqliyyat hadisəsi zamanı “Qazel” markalı yük avtomobili demək olar ki, hissələrə ayrılıb.
Bizim.Media xəbər verir ki, bu barədə “KazanFirst” Telegram kanalı məlumat yayıb.
Məlumata görə, 1972-ci il təvəllüdlü, Nijni Novqorod sakini olan sürücü 30 illik təcrübəyə malik olub və ərzaq məhsulları ilə dolu yüklə Kazana doğru hərəkət edirmiş.
İlkin ehtimallara görə, sürücü sükan arxasında yuxulayıb. O, gözlərinin necə bağlandığını xatırlamadığını bildirib.
Nəticədə “Qazel” markalı yük furqonu yoldan çıxaraq elektrik ötürücü xətlərinin dirəyinə çırpılıb. Qəza zamanı avtomobil ciddi mexaniki zədələr alıb, kuzovu demək olar ki, qopub.
Hadisə səbəbindən Böyük Krılovka küçəsi istiqamətində hərəkətin iki zolağı müvəqqəti bağlanıb. Sürücü isə xəsarət almayıb.
Bizim.Media
