“Yuventus” Spalettinin əvəzləyicisini tapdı

“Yuventus” baş məşqçi postunda dəyişiklik etmək ehtimalını nəzərdən keçirir.

Bizim.Media xəbər verir ki, Turin təmsilçisi almaniyalı mütəxəssis Yulian Naqelsmannla əlaqə saxlayıb və onu baş məşqçi vəzifəsi üçün əsas namizədlərdən biri kimi müəyyənləşdirib.

Bu barədə jurnalist Rudi Qaletti X sosial şəbəkəsində məlumat yayıb.

Mənbənin bildirdiyinə görə, Naqelsmann gələcəyi ilə bağlı bir neçə variantı nəzərdən keçirir və “Yuventus”un təklifinə müsbət yanaşıb.

39 yaşlı mütəxəssisin son iş yeri Almaniya millisi olub. O, 2023-2026-cı illərdə yığmaya rəhbərlik edib. Klub səviyyəsində isə sonuncu dəfə 2021-2023-cü illərdə “Bavariya”nı çalışdırıb.

Qeyd edək ki, hazırda “Yuventus”un baş məşqçisi Luçano Spalettidir. Komanda A seriyasında 9 turdan sonra 14 xalla 8-ci pillədə qərarlaşıb.

Bizim.Media