Azər Bağırov qələbəni ona həsr etdi

“Şamaxı”nın baş məşqçisi Azər Bağırov Misli Premyer Liqasının 8-ci turunda “Şəfa”ya qalib gəldikləri oyundan (3:2) danışıb.

Bizim.Media xəbər verir ki, mütəxəssis qələbəni klubun U-13 komandasının avtomobil qəzasında həlak olan futbolçusu Seyidəli Babazadəyə həsr edib:

“Çox maraqlı oyun alındı. Bu qələbəni Qaxdan qayıdarkən yol qəzasında həlak olan gənc futbolçumuz Seyidəli Babazadəyə həsr edirəm. O, akademiyamızın oyunçusu idi. Allah ona rəhmət eləsin. Həmçinin qələbə münasibəti ilə bütün azarkeşlərimizi təbrik edir, “Şəfa”ya uğurlar arzulayıram”.

Baş məşqçi "Şamaxı” artıq ardıcıl 7 oyundur məğlub olmur. Bu uğurlu seriyanın sirri nədir" sualını belə cavablandırıb: 

"Hər işdə bir xeyir var. Deməli, bu seriyanı əldə etmək bizə qismət imiş. Uşaqlar meydanda əllərindən gələni edirlər. Mən onlara həmişə deyirəm ki, Uca Allah səylərimizin əvəzini verəcək. Biz mehriban və mübariz kollektiv yaratmışıq".

Bizim.Media