Messi dünya çempionatına hazırlığa komandadan ayrı başladı

Hazırda oxunan: Messi dünya çempionatına hazırlığa komandadan ayrı başladı

616909

Lionel Messi dünya çempionatı öncəsi Argentina millisinin düşərgəsində ilk məşqini fərdi proqram üzrə keçib.

Bizim.Media "Field Level Media"ya istinadən xəbər verilir ki, komandanın 38 yaşlı kapitanı Kanzas-Siti şəhərindəki məşq düşərgəsinə qoşulsa da, əsas qrupdan ayrı çalışıb.

Messi mayın sonundan bəri sol budunun arxa əzələsində diskomfort hiss edir.

Argentina Futbol Assosiasiyasından verilən məlumata görə, yüngül zədəsi olan oyunçular tibbi heyətin nəzarəti altında xüsusi tapşırıqları yerinə yetirməyə davam edirlər və onların bərpa prosesində müsbət dinamika müşahidə olunur.

Messinin Argentina millisinin dünya çempionatındakı ilk oyununa — iyunun 16-da Kanzas-Sitidə Əlcəzair yığmasına qarşı keçiriləcək matça qədər hazır olacağı gözlənilir.

Buna qədər isə argentinalılar iyunun 9-da İslandiya millisi ilə yoxlama görüşündə qüvvəsini sınayacaqlar.

Bizim.Media