Donald Tramp administrasiyası Barbara Tornhilli ABŞ Dövlət Departamentinin insan alverinə qarşı mübarizə və monitorinq üzrə xüsusi tapşırıqlar üzrə səfiri təyin edib.
Bizim.Media xəbər verir ki, bu barədə ABŞ dövlət katibinin demokratiya, insan hüquqları və əmək məsələləri üzrə köməkçisi Rayli Barns "X" sosial şəbəkəsində yazıb.
Məlumata görə, Tornhill bu vəzifədə insan alverinin qarşısının alınması, zərərçəkənlərin müdafiəsi və təqsirkarların məsuliyyətə cəlb olunması istiqamətində beynəlxalq səyləri əlaqələndirəcək.
Onun vəzifələrinə, həmçinin digər ölkələrin bu sahədəki siyasətinin qiymətləndirilməsi, xarici tərəfdaşlar və müvafiq qurumlarla əməkdaşlığın inkişaf etdirilməsi daxil olacaq.
Qeyd edək ki, Tornhillin namizədliyi mayın 11-də Senatın müzakirəsinə təqdim edilib. İyunun 25-də o, Senatın Xarici əlaqələr komitəsində keçirilən dinləmələrdə iştirak edib.
Bizim.Media
- A-
- A
- A+
Dünya
16:43 / 15.10.2026
Xüsusi səfir təyin edildi
Hazırda oxunan: Xüsusi səfir təyin edildi
Hazırda oxunan: Xüsusi səfir təyin edildi
642445
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
