Avropa İttifaqı Ukraynaya 2,86 milyard dollar ayırdı – HARA XƏRCLƏNƏCƏK?

Avropa İttifaqı "Ukraine Support Loan" proqramının müdafiə komponenti çərçivəsində Ukraynaya 2,86 milyard dollar məbləğində növbəti maliyyə paketini köçürüb.

Bizim.Media xəbər verir ki, Ukraynanın Baş naziri Sergey Koretski bildirib ki, ayrılan vəsait ölkənin hava hücumundan müdafiə (HHM) sistemlərinin gücləndirilməsinə, pilotsuz uçuş aparatlarının (PUA), raket və sursatların alınmasına yönəldiləcək.

Baş nazir xüsusilə Rusiya tərəfindən şəhərlərə və kritik infrastruktura hücumların artdığı bir dövrdə bu dəstəyin həyati əhəmiyyət daşıdığını vurğulayıb.

Avropa Komissiyasının sədri Ursula fon der Lyayen də bu addımı şərh edərək Avropanın dəstəyinin hər zamankından daha vacib olduğunu və bu vəsaitin Ukraynanın cəbhədəki və hava məkanındakı təcili əməliyyat ehtiyaclarını qarşılamağa xidmət edəcəyini bəyan edib.

Qeyd edək ki, bundan əvvəl — oktyabrın 7-də Ukrayna sözügedən proqram çərçivəsində Aİ-dən 1,2 milyard avro əldə etmişdi.

Bizim.Media