Kiyev metrosu fəaliyyətini dayandırdı – Kliçko sakinləri şəhəri tərk etməyə çağırdı

Ukrayna paytaxtında energetika infrastrukturuna dəyən zərərlər fonunda Kiyev metrosunun bütün xətlərində qatarların hərəkəti tamamilə dayandırılıb.

Bizim.Media xəbər verir ki, bu barədə Ukrayna mətbuatı yazıb.

Məlumata görə, elektrik qidalanma mərkəzlərində baş verən gərginlik kəsintiləri səbəbindən metro şəbəkəsi enerjisiz qalıb, qatarların hərəkəti ilə yanaşı eskalatorların da fəaliyyəti dondurulub.

Metro ilə yanaşı, yerüstü elektrik nəqliyyatının işində, həmçinin şəhərin su təchizatı və kanalizasiya sistemlərində ciddi fasilələr yaranıb.

Kiyev şəhərinin meri Vitali Kliçko paytaxtın faktiki olaraq "sağ qalma rejiminə" keçdiyini bildirərək, imkanı olan sakinləri müvəqqəti olaraq şəhəri tərk etməyə çağırıb. Şəhərin müxtəlif rayonlarında energetika obyektlərinin zədələnməsi səbəbindən qəza kəsintiləri davam edir.

Bizim.Media