Fars körfəzindəki gərginlik fonunda müvəqqəti dayandırılan dəniz ticarəti əlaqələri yenidən bərpa olunub.
Bizim.Media xəbər verir ki, Qətər və İrandan verilən rəsmi məlumata görə, iki ölkənin limanları arasında yükdaşımalar dərhal qüvvəyə minməklə yenidən başlayıb.
Ticarət əlaqələri Qətərin Əl-Ruvays və İranın Dayyer limanları arasında həyata keçirilir.
Dayyer limanı iki ölkə arasında Fars körfəzi vasitəsilə ən qısa kommersiya dəniz yolu hesab olunur.
Qətərin Nəqliyyat Nazirliyi dəniz daşımalarının dərhal bərpa olunduğunu təsdiqləyib. İranın kütləvi informasiya vasitələri isə qətərli tərəfdaşlardan yüklərin qəbuluna başlanıldığını bildirib.
Bu addım regional ticarət əlaqələrinin normallaşması istiqamətində atılmış mühüm bir addım kimi qiymətləndirilir.
Bizim.Media
