Dünən Vaşinqtonda İsrail və Livan arasında aparılan danışıqların ilk günü nəticəsiz başa çatıb, hətta müəyyən mənada geriləmə müşahidə olunub.
Bizim.Media xəbər verir ki, bu barədə "Axios"un müxbiri Barak Ravid iki məlumatlı mənbəyə istinadən "X" sosial şəbəkəsində yazıb.
Onların məlumatına görə, gün ərzində danışıqlar gərginləşib, lakin İsrail rəsmiləri atmosferin "xoş" olduğunu iddia edirlər.
Ravid qeyd edib ki, tərəflər İsrail qoşunlarının Livan ərazisindən mümkün çıxarılmasının miqyası və vaxtı ilə bağlı ciddi fikir ayrılıqlarını qoruyub saxlayırlar.
"Danışıqlardan xəbərdar olan mənbələrlə söhbətlərdən məndə belə təəssürat yaranır ki, danışıqların ilk günü o qədər səmərəsiz olub ki, amerikalı vasitəçilər tərəflərin mövqelərini yumşaltmaq ümidi ilə bu gün hər şeyə yenidən başlamaq qərarına gəliblər", - o qeyd edib.
Bizim.Media
