Kamçatka sahillərində iki saat ərzində 6,9 bal gücündə 16 zəlzələ baş verib .
Bizim.Media xəbər verir ki, bu barədə Rusiya Elmlər Akademiyasının Federal Geofiziki Tədqiqatlar Mərkəzinin Kamçatka şöbəsinin məlumat yayıb.
Bildirilib ki, seysmik aktivlik UTC vaxtı ilə saat 6:51-də başlayıb. Birinci zəlzələ Petropavlovsk-Kamçatskidən 167 km məsafədə, 16 km dərinlikdə 5,6 bal gücündə baş verib.
Ən güclü zəlzələ, 6,9 bal gücündə, bir dəqiqə sonra, Petropavlovsk-Kamçatskidən 178 km məsafədə, 15 km dərinlikdə qeydə alınıb. 4,5 bal gücündə olan son seysmik hadisə, UTC vaxtı ilə saat 9:02-də şəhərdən 155 km məsafədə qeydə alınıb.
Rusiya Fövqəladə Hallar Nazirliyinin məlumatına görə, Petropavlovsk-Kamçatskidə zəlzələ 4 bal gücündə hiss oluna bilərdi. Xilasedicilər əvvəlcə Kamçatka sahillərinə yaxınlaşan mümkün dalğa barədə xəbərdarlıq etsələr də, sonradan sunami təhlükəsi ləğv edilib.
"Saat 20:23-də sunami xəbərdarlığı ləğv edilib. Kamçatka sahillərinə yaxınlaşan dalğalar aşkar edilməyib", - deyə açıqlamada bildirilib.
Bizim.Media
