Rusiya Prezidenti Vladimir Putin gələn həftə – mayın 20-də Çinə səfər edəcək.
Bizim.Media xəbər verir ki, bu barədə “South China Morning Post” nəşri mənbələrə istinadən məlumat yayıb.
Məlumata görə, Rusiya prezidentinin Çinə səfəri birgünlük olacaq.
Mənbələr bildiriblər ki, Pekində Vladimir Putinin qarşılanması üçün təntənəli mərasim və hərbi paradın keçirilməsi gözlənilmir. Buna səbəb isə Putinlə Çin lideri Si Cinpin arasında danışıqların Rusiya və Çin arasında standart diplomatik münasibətlərin tərkib hissəsi hesab olunmasıdır.
Xatırladaq ki, mayın 13-də Pekində Donald Tramp ilə Si Cinpin arasında görüş keçirilmişdi.
Donald Tramp danışıqların “son dərəcə müsbət” keçdiyini bildirmişdi.
Bizim.Media
