Berlin polisi 8-9 may tarixlərində şəhərdəki memoriallarda sovet simvolikasının istifadəsinə yenidən qadağa tətbiq edəcək.
Bizim.Media xəbər verir ki, bu barədə “Berliner Morgenpost” hüquq-mühafizə orqanlarının nümayəndəsinə istinadən məlumat yayıb.
Məlumata görə, həmin tarixlərdə memoriallarda sovet bayraqları, Georgi lentləri və digər sovet simvollarının nümayişinə icazə verilməyəcək.
Bundan başqa, müharibə illərinə aid mahnıların ifası da qadağan olunacaq.
Qeyd olunur ki, qadağalarla bağlı istisnalar diplomatlara və Böyük Vətən müharibəsi veteranlarına şamil ediləcək.
Berlin polisi qərarı ictimai asayişin qorunması və mümkün təxribatların qarşısının alınması ilə izah edir.
Bizim.Media
