Həcc ziyarətinə getmək istəyənlərin NƏZƏRİNƏ - Sənəd qəbulu başladı

Hazırda oxunan: Həcc ziyarətinə getmək istəyənlərin NƏZƏRİNƏ - Sənəd qəbulu başladı

638429

2027-ci il Həcc ziyarəti üçün sənəd qəbulu bu gün başlayır.

Bu barədə Bizim.Media-ya Qafqaz Müsəlmanları İdarəsinin (QMİ) Xarici Əlaqələr şöbəsinin müdiri və Həcc Elektron Sistemi rəhbəri Vüsal Cahangiri məlumat verib.

Onun sözlərinə görə, bu il Həcc ziyarətinin qiyməti 6100 ABŞ dolları müəyyən edilib.

Tələb olunan sənədlər bunlardır:

1) Ümumvətəndaş pasportu (ən azı 1 il vaxtı olmalıdır);

2) Şəxsiyyət vəsiqəsinin surəti;

3) 5 sm × 5 sm ölçüdə 2 ədəd ağ fonda çəkilmiş rəngli fotoşəkil (qadınlar tünd hicabda);

4) Sağlamlıq haqqında arayış.

Sənədlərin qəbulu 24 sentyabr 2026-cı il tarixdən etibarən iş günləri ərzində saat 10:00-dan 16:00-a kimi Qafqaz Müsəlmanları İdarəsinin Bakı şəhəri, Mirzə Fətəli küçəsi 7 ünvanında yerləşən inzibati binasında aparılacaq.

Vüsal Cahangiri qeyd edib ki, Həcc və Ümrə nazirliyinin tələblərinə görə sənədlərin qeydiyyatı və vizaların alınması prosesi ötən ilkindən daha tez həyata keçirilməlidir.

"Buna görə, Həccə niyyəti olan vətəndaşlarımızdan xahiş edirik ki, gec qalmadan qeydiyyata alınsınlar".

Fəridə, Bizim.Media