“Telegram”ın "iOS" üçün nəzərdə tutulmuş beta versiyasında mesajların formatlaşdırılması funksiyasına malik tam ekranlı mətn redaktoru istifadəyə verilib.
Bizim.Media xəbər verir ki, bu barədə "Telegram Info" kanalı məlumat yayıb.
Sınaq mərhələsində olan bu proqram yığımında, bu yaxınlarda tətbiq edilmiş Süni İntellekt (Sİ) redaktoru düyməsi genişləndirilmiş mətn redaktorunu başladan düymə ilə əvəz olunub. Həmin düymə aktivləşdirildikdən sonra mətn daxiletmə sahəsi bütün ekrana açılır və istifadəçilər üçün klaviaturanın üzərində əlavə alətlər paneli əlçatan olur.
Yeni interfeys geniş çeşiddə formatlaşdırma alətlərini dəstəkləyir. Bura başlıqların, siyahıların, cədvəllərin, sitatların və riyazi düsturların yaradılması daxildir.
Xatırladaq ki, 2026-cı ilin aprel ayında tərtibatçılar artıq mesajların redaktə edilməsi üçün Süni İntellekt alətini tətbiq etmişdilər. Həmin alət səhvləri düzəltməyə, mətnin üslubunu dəyişməyə və onu digər dillərə tərcümə etməyə imkan verir. Bu funksiyadan istifadə etmək üçün mesajın həcminin ən azı üç sətirdən ibarət olması tələb olunurdu.
Bizim.Media
