Zəlzələ yerli vaxtla saat 15:13-də baş verib. Respublika Seysmoloji Xidmət Mərkəzinin yaydığı məlumata görə, yeraltı təkanların episentri Qəbələ rayonunda, Qəbələ seysmik stansiyasından 11 kilometr cənub-qərbdə yerləşib.
Bizim.Media xəbər verir ki, ilkin məlumatlara əsasən, zəlzələnin maqnitudası 5.1 olub.
Zəlzələ Göyçay, Ucar, Ağdaş, İsmayıllı və digər rayonlarda da hiss olunub. Göyçay şəhərində təkanların baş verdiyi an insanlar arasında qısa müddətli təşviş yaranıb. Bir çox sakinlər ehtiyat məqsədilə yaşayış binalarını və iş yerlərini tərk edərək açıq ərazilərə çıxıblar.
Zəlzələ nəticəsində hər hansı dağıntı və ya xəsarət alanlarla bağlı rəsmi məlumat yayılmayıb. Aidiyyəti qurumlar tərəfindən vəziyyət nəzarətdə saxlanılır. (xezer.xeber.az)
Bizim.Media
