Azərbaycan Hökuməti və BMT-nin Məskunlaşma Proqramı (UN-Habitat) dayanıqlı şəhər inkişafı sahəsində yeni qlobal mükafat – Bakı Şəhərsalma Mükafatını (Baku Urban Award) təsis edir.
Bizim.Media xəbər verir ki, bu barədə Bakıda Ümumdünya Şəhərsalma Forumunun 13 cü sessiyası (WUF13) çərçivəsində keçirilən “Bakı Şəhərsalma Mükafatı: Qlobal Təsir üçün Mənzil Həllərinin Genişləndirilməsi” adlı tədbirdə məlumat verilib.
BMT-nin Məskunlaşma Proqramının icraçı direktoru Anaklaudiya Rossbax çıxış edərək bildirib ki, UN-Habitat üçün mükafatların mühüm əhəmiyyəti var:
"Mükafatlar bizə yüksək səviyyəli kuratorlar, ekspertlər və vətəndaş cəmiyyəti ilə birgə işləmək imkanı yaradır".
Dövlət Şəhərsalma və Arxitektura Komitəsinin sədri, WUF13 milli koordinatoru Anar Quliyev çıxışında qeyd edib ki, "Bakı Şəhərsalma Mükafatı” müstəqil və beynəlxalq nüfuza malik münsiflər heyəti tərəfindən qiymətləndiriləcək.
Günay Şahmar, Bizim.Media
