Bakı əhalisinin sayı BƏLLİ OLDU

Hazırda oxunan: Bakı əhalisinin sayı BƏLLİ OLDU

614168

Bakı dinamik inkişaf edən şəhərdir, son statistikaya görə, Bakı aqlomerasiyasının əhalisi 3 milyonu ötüb.

Bizim.Media xəbər verir ki, bunu Bakı Şəhər İcra Hakimiyyətinin Başçısı Eldar Əzizov Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Yerli fəaliyyətin gücləndirilməsi: adekvat mənzil təminatı və dayanıqlı icmalar üçün çoxtəbəqəli idarəetmənin möhkəmləndirilməsi" adlı dəyirmi masada deyib.

O xatırladıb ki, iki il əvvəl Bakının yeni Baş Planı təsdiqlənib:

"Həmin sənədə əsasən, paytaxtın inkişafı çoxmərkəzli, çoxfunksiyalı və komfortlu şəhər modeli əsasında həyata keçirilir. Hazırda Baş Plana uyğun olaraq şəhərdə geniş abadlıq-quruculuq işləri aparılır.

Paytaxtda 300-dən çox park fəaliyyət göstərir. Prezident İlham Əliyevin təşəbbüsü ilə 100 yeni park salınıb, 88 park əsaslı təmir olunub. Bundan əlavə, Heydər Əliyev Fondunun vitse-prezidenti Leyla Əliyevanın təşəbbüsü ilə 200-ə yaxın məhəllədaxili park yaradılıb".

Bizim.Media