Bezdirici milçək və həşəratlardan qurtulmağın TƏK ÜSULU

Ətrafda vızıldayan milçəklərdən, divarda, masanın üstündə qaçan böcəklərdən qıcıqlandırıcı başqa bir şey yoxdur.

Bizim.Media xəbər verir ki, bu ürəkbulandıran həşəratları dəf etmək üçün evinizdə aşağıdakı bitkiləri əkməyiniz yetərlidir.

Reyhan

Güclü ətri olan bu bitki əsasən milçəkləri və ağcaqanadları dəf edir.

Lavanda

Lavandanın qoxusu insan hisslərinə sakitləşdirici, xoş təsir göstərə bilər, lakin həşəratlar üçün xoşagəlməzdir.

Adaçayı (şalfey)

Adaçayı günəş altında yaxşı inkişaf edir və milçəkləri, qarışqaları, ağcaqanadları yox edir.

Nanə

Bu bitki müxtəlif həşəratları dəf etməsi ilə tanınır. Onları xüsusən də asılmış səbətlərdə böyümək idealdır.

Rozmarin

Rozmarininin aromatik yarpaqları yalnız yeməklərinizə xüsusi bir dad qatmır, həm də həşəratları uzaqlaşdırır.

Dəfnə yarpağı

Dəfnə yarpaqlarının xarakterik qoxusu nəinki milçəkləri, tarakanları hətta siçanları da qaçırdır.

Maraqlıdır niyə insanların xoşuna gələn bitki qoxularını həşəratlar sevmir?

İnsanların xoş və “təravətli” hesab etdiyi bir çox bitki qoxusu əslində bitkinin özünü qoruma sistemi üçün yaranıb. Reyhan, nanə, rozmarin və dəfnə kimi aromatik bitkilər havaya çoxlu uçucu kimyəvi maddələr buraxır; bunlara “efir yağları” deyilir. Həşəratların çoxunda bu maddələr çaşdırıcı təsir göstərir.

Məsələn, ağcaqanad insanı tapmaq üçün tər qoxusunu izləyir, böcəklər qida qoxusuna gəlir, milçəkləri karbon qazı cəzb eləyir. Güclü bitki qoxuları bu siqnalları “maskalayır”.

Şəfiqə Şəfa, Bizim Media