Kurban Berdıyev bu futbolçunun transferini istəyir

“Turan Tovuz” Moskva “Lokomotiv”indən icarəyə götürdüyü müdafiəçi Mark Mampassi ilə bağlı qərarını verib.

Bizim.Media xəbər verir ki, Tovuz təmsilçisi futbolçunun transfer hüquqlarını almaq istəyir.

Komandanın baş məşqçisi Kurban Berdıyev Markın performansından məmnundur və onun birdəfəlik transfer edilməsini arzulayır. Mampassi bu ilin fevralından “Turan Tovuz”da çıxış edir. O, Premyer Liqada 8 oyunda 1 qol vurub.

Donetsk “Şaxtyor”unun yetirməsi olan 22 yaşlı futbolçu karyerası ərzində Ukraynada “Mariupol”, Türkiyədə “Antalyaspor”, Belçikada isə “Kortriyk”in formasını geyinib.

Ukrayna Premyer Liqasında “Mariupol”un heyətində 21 oyunda meydana çıxan futbolçu, Belçika yüksək liqasında 35, Rusiya Premyer Liqasında isə 18 oyunda meydanda olub.

Rəşad Rafiqoğlu, Bizim.Media