Millii Məclisin deputatı Əli Məsimli 2023-cü ilin mart ayının 11-də Şəki rayonunun Baqqal kəndində vətəndaş qəbulu və seçicilərlə görüş keçirmişdir.
Qəbul və görüşdə müxtəlif sosial qrupları təmsil edən şəxslər iştirak etmiş, onlar tərəfindən işədüzəlmə, pensiya təyinatı və əlillik dərəcəsi verilən zaman yaranan narazılıqlar, yerli sahibkarlara münasibətdə vergi güzəştlərinin dairəsinin genişləndirilməsi, güzəştli kreditlərin verilməsi, yol, su və qaz təchizatı, dağ kəndlərində yaşayan əhali üçün qaz limitinin ləğvi və ya artırılması məsələsi və s. kimi fərdi və ictimai xarakterli məsələlər qaldırılıb, həmçinin qanunvericiliyin təkmilləşdirilməsi ilə əlaqədar təkliflərlə bağlı müraciətlər edilib.
Qəbulda və görüşdə iştirak edən hər bir şəxsin problemi diqqətlə dinlənilib, bəziləri yerində həll edilib, digərlərinin həllinə nail olmaq məqsədilə mərkəzi və yerli icra strukturlarına və digər qrumlara rəsmi müraciətlər edilməsinə dair qərarlar verilib.
