Oktyabrın 11-də dünyada internet istifadəçiləri şəbəkəyə giriş problemi ilə üzləşə bilərlər.
Bu haqda Domen adları və IP ünvanlarının idarə edilməsi üzrə korporasiya (ICANN) məlumat verib.
Həmin gün tarixdə ilk dəfə olaraq domen adları sisteminin təhlükəsizliyini qoruyan kriptoqrafiya açarlarının dəyişdirilməsi planlaşdırılıb. Yeniləmədən sonra 48 saat ərzində bəzi istifadəçilərin ayrı-ayrı resurslara daxil olmaq istəyərkən çətinliklə üzləşmə ehtimalı var. Sistem “server failure” və ya “SERVFAIL” səhvini göstərə bilər.
Qeyd edək ki, 2010-cu ildə yaradılan kriptoqrafiya açarları “DNSSEC” genişlənmə sistemində istifadə olunur, təhlükəsizlik və internet ünvanlandırma sisteminin bütövlüyünəxa0 cavabdehlik daşıyır. Açarlar hər 5 ildən bir dəyişdirilməlidir. Lakin 2015-ci ildə provayderlərin hazır olmaması səbəbindən bu proses təxirə salınmışdı.(Qafqazinfo)
