Dopinq qalmaqalından sonra məşhur idmançı model biznesinə keçir

Olimpiya mükafatçısı Alişa Nyuman dopinq qalmaqalından sonra model karyerasına başlamağa hazırlaşır.

Bizim.Media xəbər verir ki, atlet bir neçə dopinq testini buraxdığı üçün Athletics Integrity Unit tərəfindən 20 aylıq diskvalifikasiya alıb.

Buna baxmayaraq, 2024-cü il Olimpiadasının bürünc medalçısı 2026-cı ilin payızında keçiriləcək Victoria’s Secret şousunun kastinqinə dəvət aldığını açıqlayıb.

Nyuman sosial şəbəkədə çəhrayı bikini ilə fotosunu paylaşaraq “Tezliklə görüşərik, @victoriassecret” sözlərini yazıb. O, həmçinin moda nümayişinə qatılmaq üçün aldığı dəvət məktubunu da izləyiciləri ilə bölüşüb.

İdmançı hazırda model fəaliyyətinə ciddi şəkildə hazırlaşdığını bildirib. O, məşqlərini, akrobatik hərəkətlərini və podium yürüşü üzərində işlədiyini paylaşır.

“Victoria’s Secret üçün hazırlıq Olimpiadaya hazırlıq kimidir”, - deyə Nyuman qeyd edib.

Məlumata görə, idmançı bir müddət əvvəl Los-Ancelesə köçərək həyatında yeni mərhələyə başlamaq qərarı verib.

Qaydaları pozduğunu inkar etməyən Nyuman bunu peşəkar dəyişikliklər və idman karyerasını başa vurmaq cəhdi ilə əlaqələndirib.

Bildirilir ki, kastinqdən uğurla keçəcəyi halda o, IMG Models agentliyi ilə müqavilə bağlaya və dünyanın ən məşhur moda nümayişlərindən birində podiuma çıxa bilər.

Bizim.Media