Rusiya, Ukrayna və ABŞ arasında üçtərəfli danışıqlar raundu noyabrın əvvəlində Əbu-Dabidə keçiriləcək.
Bizim.Media xəbər verir ki, bu barədə Kremlin mətbuat katibi Dmitri Peskov bildirib.
Onun sözlərinə görə, tərəflər Rusiya və Ukraynanın təhlükəsizliyi, eləcə də mümkün sülh yolu ilə nizamlanma ilə bağlı məsələləri müzakirə edəcəklər:
“Həm Rusiyanın, həm də Ukraynanın təhlükəsizliklə bağlı narahatlıqlarının müzakirə olunacağı danışıqlar noyabrın ilk yarısında, üçtərəfli formatda Əbu-Dabidə keçiriləcək”.
Avropa tərəflərinin mümkün iştirakına gəldikdə isə o qeyd edib ki, gələcək üçün heç bir ehtimalı istisna etmək olmaz, lakin hazırkı müzakirələr sırf üçtərəfli xarakter daşıyır.
Nuranə, Bizim.Media
