Britaniyanın sağçı şərhçisi Milo Yanopulos ABŞ-da icazə verilən qalma müddətini aşıb. Bu səbəbdən deportasiya edilərək Britaniyaya göndərilib.
Bizim.Media xəbər verir ki, 41 yaşlı Yanopulos avqustun 27-də Yeni Orleana gəldikdən sonra ABŞ İmmiqrasiya və Gömrük Xidmətinin (ICE) əməkdaşları tərəfindən saxlanılıb. O, 2019-cu ilin mayında ABŞ-a daxil olub və sonradan ölkədə qalma müddətini aşıb.
Maraqlıdır ki, Yanopulos əvvəllər ABŞ-da miqrasiya siyasətinin sərtləşdirilməsini və qanunsuz miqrantların kütləvi deportasiyasını dəstəkləyib. O, ICE əməkdaşlarının fəaliyyətini müdafiə edib və onlara hüquqi toxunulmazlıq verilməsini tələb edib.
Yanopulos 2016-cı il prezident seçkiləri zamanı Donald Trampın tərəfdarı olub, sonradan prezidentin özünü tənqid etsə də, onun siyasətinin bir hissəsini dəstəkləməyə davam edib.
Bizim.Media
