Moderator.az Rusiyanın “Vzqlyad” nəşrinə istinadən Gürcüstanın eks-spikeri Nino Burcanadze ilə müsahibəni təqdim edir.
- Mixail Saakaşvili öz hərəkətləri ilə Gürcüstanın
20 faiz torpaqlarını itirdi. Əgər indi onu Ukraynada dinləsələr, o zaman Ukrayna
da çox şey itirəcək. Mən ukraynalıları xəbərdar etmək istəyərdim. Bəsdir öz
fantaziyaları ilə yaşadılar. Gürcüstanın eks-prezidenti Mixail Saakaşvili
martın 27-də keçmiş baş nazir Zurab Jvaniyanın naməlum ölümü ilə bağlı keçirilən
istintaqa şahid kimi gəlməliydi. Amma gəlmədi.
- Nino, sizcə
Saakaşvilinin istintaqdan boyun qaçırması təəccüb doğurmur ki?
- Mənim üçün Saakaşvilinin istintaqla əməkdaşlıq
etməkdən boyun qaçırması heç də təəccüblü deyil. Çünki əvvəlcədən onun belə
edəcəyi məlum idi. Məni narahat edən başqa məsələdir. “Gürcüstan arzusu”
(Qruzinskaya meçta) partiyasının effektivsizliyi “Bütöv Milli Hərəkat”-ı (Yedinaya Nasionalnaya Dvijeniya) yenidən dirçəlmək imkanı əldə etdi. Bu da
Gürcüstanın yeni hakimiyyətinin qərara verə bilməməsi və səriştəsizliyi ilə
əlaqədardır. Əslində Saakaşviliyə qarşı cinayət işi açmaq olardı. Ancaq
Saakaşvili indi yenə də siyasi çağırışlar etməyə başlayıb.
- İlk öncə onu qeyd edim ki, mən hələ 2008-ci ildə
Saakaşvili tərəfindən “xain” bağlama
almışdım. Mən hələ o zaman xarici mətbuata da bildirmişdim ki, o zaman Rusiya
ilə müharibədən qaçmaq mümkün idi. Mən bunu deyən zaman məni hətta “Kremlin
agenti” adlandıraraq, onlara işləməkdə günahlandırdılar. Lakin mən hələ müharibə
başlayanda bilirdim ki, bu müharibənin qarşısını almaq olardı və bunun
qarşısının alınmamasında Saakaşvilinin günahı böyükdür. Bununla bağlı araşdırma
aparılmalıdır. İndiki Gürcüstan hakimiyyəti buna görə heç nə etmədiyinə görə də
mən “Gürcüstan arzusu” Partiyasını qınayıram.
-Sizcə sonda
Saakaşvili şübhəli kimi məhkəmə
qarşısına çıxacaqmı?
-Əgər mən hakimiyyətə gəlsəm mütləq çıxacaq. Mən
qanunun yerinə danışmaq istəmirəm, amma mən əminəm ki, o çox şeylərdə
təqsirkardır. Hesab edirəm ki, dəqiq araşdırılma aparılması üçün biz əlimizdən
gələni etməliyik. Mən əgər oktyabrda prezident olsaydım, bunu təmin edərdim.
Əslində hər kəs bunun siyasi təqib olmadığını və həqiqət olduğunun fərqindədir.
-26 may 2011 ci
il tarixində Tbilisidə sizin tərəfdaşlarınızın mitinqi amansızca dağıdıldı.
Çoxsaylı ölənlər var idi. Çoxları bunu Maydandakı hadisələrlə müqayisə edir.
Sizcə burada nə qədər oxşarlıq var?
-Məncə bu o zaman Gürcüstanda olan hakimiyyətin
Kiyevdəkindən qat-qat amansızca xalqla davranışı idi. Bu birmənalıdır. Məni
ikili standartlar çox narahat edir. Çünki o zaman Gürcüstan xalqı öz milli
dəyərlərinin qorunması naminə sakit yürüş keçirirdi. Onları isə vəhşicəsinə döyürdülər və öldürürdülər. O zaman
heç kəsdən səs çıxmırdı, heç kəs köməyə gəlmədi. O zaman bizim əlimizdə nə
Molotov kokteyli, nə də silah var idi. Heç bir bina bizim tərəfimizdən zəbt
edilməmişdi. Biz Rustaveli prospektindəki bahalı mağazalardan və qızıl
dükanlarından 20 metr aralı dayanmışdıq. Heç bir yer bizim tərəfimizdən nə
sındırılmamışdı, nə də qarət edilməmişdi. Lakin Saakaşvili o zaman bizə
“Rusiyanın siyasiləri” adını yapışdıra bildi. Ona görə də bizi heç kəs
dəstəkləmədi. Amma Maydanda hər kəs bilir ki, vəziyyət daha radikal mövqedə
idi. Hələ üstəlik Maydandakıları yedizdirirdilər, içirdilər və başlarına sığal da çəkirdilər.
-Saakaşvilinin
Ukraynadakı yeni hakimiyyəti öyrətmək məsələsinə necə baxırsız?
-Bu nonsensdir. Mən buna görə çox üzgünəm. Mən
Yatsenyuku da, Kliçkonu da, Timoşenkonu da yaxşı tanıyıram. Onlar müxalifətdə olanda
onlarla anlaşmaq olardı. 2011-ci ilin 26 mayında mən ilk mətbuat konfransımı
Ukraynada keçirmişdim. Təəsüflər olsun ki, biz o zaman da anlaşa bilməmişdik.
İndi isə onların yanında Gürcüstandakı müxalifləri darmadağın edən Saakaşvilini
görürəm. O Maydanda mitinqə çıxır və ona hamı alqışlayır. Bu çox ağrılıdır. Bu
göz yaşı qədər acıdır. Saakaşvili axı Maydanda nə məsləhət verə bilər? Məncə
Ukraynalılar onun məsləhətlərindən ehtiyat etməlidirlər.
- Hamıya məlumdur
ki, Soçidə keçirilən Olimp-iya oyunları zamanı Vladimir Putin Gürcüstan prezidentinin onunla görüşməsi üçün şərait yaratmışdı. Amma Gürcüstan
prezidenti bundan istifadə etmədi. Sizcə Gürcüstan və Rusiya prezidentləri
görüşməlidirlərmi?
- Mən həmişə Rusiya rəhbərliyi ilə birbaşa
dialoqun tərəfdarı olmuşam. Rusiya ilə Gürcüstan arasında isə çox sayda
müzakirə edilməli problemlər var. Putinlə danışmaq isə birmənalı olaraq
gərəklidir. Amma Gürcüstanda hər şeyə isti başla münasibət göstərirlər. Ukrayna
böhranı zamanı Obama, Merkel Putinə zəng vurub danışırdılar. Gürcüstan
prezidenti zəng vursa nə olar ki? Saakaşvilinin zamanında da onun
streotiplərini dağıdaraq, Rusiya ilə birbaşa dialoqlar aparmaq iqtidarında olan
bir adam tapılmadı.
- 15 iyunda
Gürcüstanda yerli seçkilərdir. Sizin ətrafınızda başlıca müxalif partiyaları
birləşir. Sizin şansınız necə olacaq bu seçkilərdə?
- Biz məhdud
maliyyə ehiyatımız və KİV-ə çıxışımızla yenə də də yaxşı nəticə əldə edəcəyimizə
inanırıq. Əgər biz yerli seçkilərdə qalibiyyət əldə etsək, o zaman hakimiyyətə gəlmək üçün növbədənkənar parlament seçkilərini tələb edəcəyik. Mən
əminəm ki, ötən prezident seçkilərində “Gürcü arzusu” Partiyası ilə “Bütöv
Milli Hərakat” arasında danışıqlar oldu. Bu da məhz məni ikinci mərhələyə
buraxmamaqdan ötrü idi. Çünki əgər mən ikinci mərhələyə keçə bilsəydim, sözsüz
qalib gələrdim. “Gürcü arzusu” partiyası anlamalıdır ki, öz bacarıqsızlığı ilə
“Bütöv Milli Hərəkat”ın yenidən hakimiyyətə gəlməsi üçün şərait yaradır.
Saakaşvili xaricdən bizi hədələyir və bu zarafat deyil! Mən onu tanıyıram. Onun
bütün mənfi xüsusiyyətlərini qeyd etsəm də, o siyasi gedişləri yerində istifadə
edə bilir.Ona görə də o Gürcüstandakı siyasi vəziyyətə ciddi xələl gətirə
bilər.
