32 yaşlı Tiffani Tramp Instagram-da bir sıra effektli fotolar paylaşdıqdan sonra çətin vəziyyətə düşüb.
Bizim.Media xəbər verir ki, ABŞ Prezidenti Donald Trampın qızı sentyabr ayının başa çatmasına həsr olunmuş fotolarını paylaşıb, lakin fotolardan biri gözlənilməz suallar doğurub.
O, sosial şəbəkə paylaşımda süni intellektin köməyi ilə yaradılmış kontentin olduğunu qeyd edib.
ABŞ prezidentinin kiçik qızı ötən ay ərzində həyatından bütöv bir fotoşəkil toplusu yayımlayıb. Fotogündəlikdə Hindistana son səfərindən fotolar, Ağ Evdə keçirilən dövlət ziyafətindən görüntülər, həmçinin Tiffaninin qüsursuz makiyajını və zərif obrazını nümayiş etdirdiyi effektli portretlər yer alıb.
Lakin diqqətli istifadəçilər paylaşımın altında Instagram-ın “Süni intellekt kontenti” xüsusi işarəsinə diqqət yetiriblər. Sosial şəbəkə izləyiciləri xəbərdar edib ki, fotolardan ən azı birinin hazırlanması və ya redaktəsi zamanı süni intellektdən istifadə olunub. Bununla belə, neyroşəbəkənin köməyi ilə məhz hansı görüntünün işlənildiyi məlum deyil.
Paylaşılan fotolar arasında Tiffaninin ögey bacısı İvanka Trampla çəkdirdiyi foto da olub. Bacılar Çin Sədri Si Cinpinin şərəfinə Ağ Evdə yaxınlarda təşkil edilmiş dövlət ziyafətində birlikdə iştirak ediblər.
Son bir neçə ay ərzində Tiffani dünyanın müxtəlif yerlərinə səfərlər edir və kifayət qədər aktiv həyat tərzi keçirir. Hindistana son səfərindən əlavə, o, iyul ayında Avropada olub, günəşli İbiza və Formenteranı ziyarət edib.
Bizim.Media
