Yekaterina Tişkeviç və Valentin Tomusyak çox keçmədən ilk dəfə valideyn olacaqlar.
Bizim.Media xəbər verir ki, hamilə ukraynalı aktrisa Yekaterina Tişkeviç əri Valentin Tomusyakla birlikdə Kiyevdən getmək qərarına gəlib.
Ulduz cütlük bir neçə gün əvvəl Instagram-da paylaşımlar edərək niyə paytaxtda deyil, Vinnitsada qışlamaq qərarına gəldiklərini izah edib.
“Valideynlərin narahatlığı uşaq doğulmazdan xeyli əvvəl başlayır. Biz səhər saat dörddə partlayış səslərindən, qonşularımız olan terrorçuların şəhərləri atəşə tutması barədə xəbərlərdən və vəziyyət belə davam edərsə, sol sahildən sağ sahilə doğum evinə sadəcə gedib çata bilməyəcəyimizi dərk etməkdən oyandıq. Buna görə də bu “B planı” – Vinnitsada doğuş və qışı orada keçirmək – getdikcə daha real və aktual olur. Buna görə də vəziyyəti öyrənmək üçün gəldik: doğum evlərinin nümayəndələri ilə danışmaq, mənzil variantlarına baxmaq”, – aktrisa vurğulayıb.
Daha sonra Valentin onların məhz Vinnitsanı seçməsinin bir neçə üstünlüyü ilə bağlı bunları deyib:
“Vinnitsadan qatarlar hər gün işləyir. Kiyevə də getmək mümkündür, əgər çəkilişlər olacaqsa. Bu, Zakarpatyenin hansısa ucqar şəhərlərindən getməkdən daha rahat olacaq. Beləliklə, birinci səbəb logistikadır. Burada bu, bizim üçün daha əlverişlidir. Bundan əlavə, evdə nəyəsə ehtiyacımız olsa, imkanımız olacaq. Məsələn, uşağı Kiyevdə yerləşən klinikaya aparmaq istəyirik. Planlı müayinələr üçün də ayda bir dəfə məhz ora getmək istəyirik. Təhlükəsizliklə bağlı vəziyyətin buna imkan verməsini arzulayırıq”.
Yekaterinanın sözlərinə görə, dostları onlara mənzillərində gecələməyə icazə veriblər, lakin onlar artıq gələcəkdə kirayə götürməyi planlaşdırdıqları mənzil tapıblar.
Bizim.Media
