ABŞ Dövlət Departamenti vətəndaşlarına xatırladıb ki, yaşadıqları ştatda qanuni olsa belə, xaricə səfər edərkən özləri ilə kannabis (marixuana) və ondan hazırlanan məhsulları götürməməlidirlər.
Bizim.Media xəbər verir ki, bu barədə Dövlət Departamentinin Konsulluq xidməti “X” sosial şəbəkəsində məlumat yayıb.
“Xaricə kannabis və ya kannabisdən əldə edilmiş məhsullarla səyahət etməyin”, - deyə məlumatda bildirilib.
Amerikalılara xatırladılıb ki, xarici ölkələrdə onlar həmin ölkələrin yerli qanunlarına tabedirlər.
Bəzi ölkələrdə kannabis saxlamağa görə hətta həbs cəzası nəzərdə tutulur. Bildirilib ki, gedilən ölkədə kannabis leqallaşdırılsa belə, sərhəddən qanunsuz keçirilməsinə görə turist həbs oluna bilər.
Bizim.Media
