“E-gov.az” portalı fəaliyyətini DAYANDIRDI

Rəqəmsal dövlət xidmətlərinin vahid platformada təqdim olunması məqsədilə “e-gov.az” portalı “mygov”a tam inteqrasiya olunaraq fəaliyyətini dayandırıb.

Bizim.Media xəbər verir ki, bu barədə İnnovasiya və Rəqəmsal İnkişaf Agentliyi məlumat yayıb.

Belə ki, Artıq e-gov.az portalında mövcud olan bütün xidmətlər my.gov.az portalı üzərindən təqdim ediləcək.

“Bu dəyişiklik dövlət xidmətlərinin bir mərkəzdə cəmləşdirilməsini təmin etməklə yanaşı, istifadəçi təcrübəsinin təkmilləşdirilməsinə və vətəndaşların xidmətlərə daha rahat çıxışına imkan yaradacaq”, - deyə məlumatda qeyd olunub.

Bizim.Media