Elə ona görə də belə getsə srağagün AMEA - nın yaradılmasının 70 illik yubileyi tədbirində çıxış edən prezident İlham Əliyevin Azərbaycan dilinin qorunması haqqındakı fikirləri azlıq edəcək, növbəti dəfə Hacıbala Abutalıbovun etməli olduğu işlərin siyahısı sadalanacaq, o zaman mer anlayacaq ki, "Azərbaycanda bircə kişi var" deməsi də onu danlanmaqdan xilas etməyəcək...
Bircə stəkan qızılı rəng nə olan şeydir ki, illərdir Səməd Vurğunun heykəlindəki postamentə vurulmuş "El bilir ki, sən mənimsən" misrasıyla başlayan bir bənd şeirin kənardan oxunması təmin edilsin? Yaxud biz 15 ildir latın dilinə keçsək də hələ də Səməd Vurğunun heykəlinin postamentində kiril əlifbasıyla ad - soyad bu millətə gözdağı olub? Bunu etmək bu qədərmi zor? Allahdan qorxmadıqları, qanundan çəkinmədikləri bəlli, dövlət başçısı İlham Əliyevin qəzəbindən də qorxmurmu bu məmur sürüsü...?
