Ankaranın gələcəkdə Şanxay Əməkdaşlıq Təşkilatına (ŞƏT) üzv olması heç bir blokla əlaqələrin kəsilməsi və ya Qərblə münasibətlərdən imtina anlamına gəlmir.
Bizim.Media xəbər verir ki, bunu Türkiyə Prezidenti Rəcəb Tayyib Ərdoğan Bişkekdə ŞƏT+ sammitində iştirak etdikdən sonra bildirib.
Hazırda ŞƏT-də dialoq tərəfdaşı statusuna malik olan Türkiyə iqtisadi, siyasi və strateji imkanlarını şaxələndirməyə çalışır. Ərdoğan qeyd edib ki, ölkə Çindən Mərkəzi Asiyaya, Rusiyadan Cənubi Asiyaya qədər geniş ərazidə böyük ticarət-iqtisadi imkanlara malikdir.
Türkiyə liderinin sözlərinə görə, ölkəsi həm Qərb, həm də Şərqlə balanslaşdırılmış münasibətlər qurmaq və əlaqələri dərinləşdirmək qabiliyyətinə malikdir ki, bu da qlobal problemlərin həllinə kömək edir.
Bizim.Media
