Rusiyanın Primorye diyarında qadın işlədiyi satış məntəqəsindən yüzlərlə lotereya bileti oğurlayıb.
Bizim.Media xəbər verir ki, bu barədə Primorye diyarı prokurorluğu məlumat yayıb.
Hadisə Bolşoy Kamen şəhərində baş verib.
Məlumata görə, 49 yaşlı yerli sakin lotereya biletlərinin satıldığı məntəqədə satıcı-məsləhətçi işləyirmiş.
İstintaqın versiyasına əsasən, qadın 2025-ci ilin yanvarından 2026-cı ilin fevralına qədər xidməti mövqeyindən istifadə edərək 700-dən çox lotereya biletini mənimsəyib. O, biletlərlə böyük məbləğdə pul udacağına ümid edib. Lakin qadının bu planı baş tutmayıb və o, heç nə qazanmayıb.
Dəymiş ziyanın 400 min rubl olduğu bildirilir.
Qadın barəsində Rusiya Cinayət Məcəlləsinin “xidməti mövqedən istifadə etməklə iri məbləğdə özgə əmlakını mənimsəmə” maddəsi ilə cinayət işi açılıb.
Yaxın vaxtlarda o, məhkəmə qarşısına çıxarılacaq.
Bizim.Media
