Türkiyənin Adana şəhərində “Güneşin doğduğu yer” adlı yeni serialın çəkilişlərinə başlanılıb.
Bizim.Media xəbər verir ki, bununla bağlı Türkiyə KİV məlumat yayıb.
Serialda məşhur aktyor və aktrisalar - Burak Özçivit, Sibel Taşçıoğlu, Beyza Gümülcine, Hilal Anay, Devrim Yakut, Görkem Sevindik, Bahar Süer, Muharrem Türkseven, Kenan Ciniviz, Nazlıcan Demir, İlker Yavuz ve Ali Erkazan rol alacaq.
Baş rolları Burak Özçivit və Beyza Gümülcine canlandıracaq. Belə ki, onlar Kenan və Leyla obrazlarına həyat verəcəklər.
“Kızılcık Şerbeti”ndə Pembe rolu ilə məşhurlaşan 50 yaşlı Sibel Taşçıoğlu ilə 41 yaşlı Burak Özçivit serialda ana-oğul obrazlarını canlandıracaq. Onların arasındakı 9 yaş fərqi sosial şəbəkələrdə müzakirələrə səbəb olub.
Qeyd edək ki, serial sentyabrda ATV telekanalında yayımlanacaq. (qafqazinfo.az)
Bizim.Media
