Podiatr (ayaq həkimi, bəzən ayaq mütəxəssisi – red) Manu Vidal evdə ayaqyalın gəzməyin ayaqlar üçün faydalı olub-olmadığını qiymətləndirib.
Bizim.Media xəbər verir ki, onun bu məsələ ilə bağlı fikirləri “El Confidencial” nəşrində yer alıb.
Vidalın sözlərinə görə, evdə ayaqyalın gəzmək vərdişi hələ də müzakirə mövzusudur, lakin o, həmişə bu vərdişi müdafiə edir.
"Bu, sadəcə yaxşı deyil, həm də fantastikdir. Evdə həmişə ayaqyalın gəzmək edə biləcəyimiz ən yaxşı şeydir", - deyə həkim qeyd edib.
Həkim izah edib ki, ayaqyalın gəzmək ayağın təbii şəkildə işləməsinə imkan verir. Bu təcrübə əzələlərin aktivləşməsini təşviq edir, hərəkətliliyi yaxşılaşdırır və yerişi daha sabit edir. Mütəxəssis bildirib ki, bu vərdiş ayaqların tonusunu artırır, iltihabı azaldır və hətta tərləməni yaxşılaşdırır.
Bizim.Media
