“İsveçrə Federal Xarici İşlər Departamenti (FXİD) “Dağlıq Qarabağda sülh forumu. Erməni əhalisinin geri qayıtmasına icazə verilməsi” təşəbbüsü ilə bağlı Qarabağ ermənilərinin heç bir nümayəndəsi ilə əlaqə saxlamayıb”. Bizim.Media-nın əldə etdiyi məlumata görə, bu barədə İsveçrə Milli Şurasının ermənipərəst deputatı Erix Vontobelin sorğusuna cavab olaraq İsveçrə FXİD-dən bildirilib. Cavabda qeyd olunub ki, məsələyə aidiyyəti olan dövlətlər, xüsusilə də Azərbaycan sözügedən təşəbbüsü qəbul etməyib: “Bu səbəbdən sözügedən təşəbbüs çərçivəsində forum baş tutmayıb. Üstəlik, İsveçrənin Federal Xarici İşlər Departamentinin rəhbəri İqnasio Kassis bu il av...