Türkiyəli müğənni Murat Boz İstanbulun Maslak rayonunda güclü yağışdan sonra yaranan sel sularında köməksiz vəziyyətdə qalıb.
Bizim.Media xəbər verir ki, müğənni baş verənləri mobil telefonu ilə lentə alaraq studiyaları su basdığını və elektrik enerjisinin kəsildiyini bildirib.
Murat Boz yaranmış vəziyyətlə əlaqədar aidiyyəti qurumlardan təcili yardım istəyib.
Qeyd edək ki, İstanbul şəhərində yağan güclü leysan yağışı şəhər həyatına ciddi təsir göstərib.
Şəhərin bir sıra ərazilərində yolları, metro stansiyalarını və yeraltı keçidləri su basıb. Hava ilə əlaqədar olaraq İstanbulda təhsil distant formaya keçirilib.
Bizim.Media
