AVMVB-nin Xocalı, Bakı şəhəri Nizami şöbələrinin və "Veteran "qəzeti adından Moderator.az-a müraciət daxil olub. Həmin müraciəti oxucuların diqqətinə çatdırırıq:
“Rəhim Hüseynov tərəfindən
verilmiş müsahibə ilə bağlı bir neçə nəfərin -Xocalı sakinlərinin etirazına səbəb
olan fikirlərini diqqətinizə çatdırırıq.
Keçmiş
baş nazir Rəhim Hüseynovun Moderator.az saytına müsahibəsində deyilir ki, 1992-ci
il fevral ayının 25-dən 26-na keçən gecə Xocalı şəhərinin, onun dinc sakinlərinin
başına gələn müsibətlərini o vaxt Nazirlər Sovetinin sədri olan Həsən Həsənovla
Ayaz Mütəllimov arasında soyuq münasibət olmuşdur. Rəhim Hüseynov hadisələrə elə
don geyindirir ki, ermənilərin mənfur hərəkətləri kölgədə qalır. Dəhşətli gecənin
şahidi olan mən -Səfərov Kamal Calal oğlu, ermənilərin bizə qarşı törətdikləri
vəhşilikləri öz gözlərimlə görmüşəm. Xocalı şəhərində onun dinc sakinlərinə -
qocalara, uşaqlara, körpələrə qarşı divan tutan ermənilər idi. Ona görə də illər keçdikdən sonra Rəhim Hüseynovun bu hadisələrə başqa don geyindirmək,
insanların düşüncəsində yanlış fikirlər oyatmaq cəhdini pisləyirik. Onun əsassız
fikirlərini ermənilərə xidmət kimi qiymətləndiririk".
Xocalı sakini Səfərov Kamal Calal oğlu bildirir ki, “həmin gecə mən anamı - Səfərova Pəri Muxtar qızını və dörd nəfər yaxın adamlarımı itirmişəm”x9d.
Xocalı şəhərindən məcburi köçkün, şəhid ailəsi Kərimov Əbülfət Rəşid oğlu keçmiş baş nazir Rəhim Hüseynovun müsahibəsi ikrah hissi oyadır:
“Düz 23 il əvvəl 1992-ci ildə fevral ayının 25-dən 26-na keçən gecə ermənilərin bizə qarşı etdiyi vəhşiliklər indiki kimi yadımdadır. Ermənilər evləri qarət edir, yandırırdılar. Meşədə bizi ermənilər əsir götürdülər, neçə gün ac-susuz saxladılar.
Ermənilər insanların hislərinə toxunan hərəkətlər edir, ölümcül döyurdülər,
onların bizə etdikləri zülmlər göz qabağında idi. Qanlı-qadalı gecədə ermənilər
atamı - Kərimov Rəşid oğlunu qətlə yetirdilər.
Bu qanlı hadisələri Həsən Həsənov və xalq cəbhəsinin üstünə atmaq, ermənilərin
etdikləri ağlasığmaz vəhşilikləri pərdələmək, ermənilərin bu iddialardan yararlanaraq
bizə qarşı təbliqat aparmasına şərait yaratmaq düzgün deyil.
Ona görə də mən Rəhim Hüseynovun tutduğu mövqeyi pisləyirəm, ona haqq
qazandırmıram.Yaxşı olar ki, o, Xocalı faciəsinə öz şəxsi hissləri baxımından
yox, haqq ədalət baxımından yanaşsın, ermənilərin etdiklərinə kölgə salmasın”x9d.
Hüseynov Nazim Mikayıl
oğlu Qarabağ hadisələrinin başlanğıcından döyüşlərdə olub: “Qarabağ əliliyəm. 1992-ci ilin
fevral ayı mənim üçün unudulmazdır. 1992-ci ilin fevral ayının 25-dən 26-na keçən
gecə Xocalı şəhəri od içində idi. Gözümüz qarşısında ermənilər və 366-cı
motoatıcı alayın əsgərləri tərəfindən ahıl qocaları, uşaqları, qadınları
öldürür, işgəncələr verirdilər.
Biz
gecə Qar-Qar çayını keçib meşə ilə Ağdam tərəfə üz tutduq. Ermənilərin əlinə
keçməmək üçün gizlənib saatlarla qarın içində qalmalı olurduq. Bizim dəstədə
olan insanlardan neçə nəfəri güllələndi. Gələndə nələr görmədik biz -
insanların qulaqları kəsilmişdi, meyidləri pis hala salmışdılar, belə ki, meyidləri
məftil ilə xaç şəklində bir-birinə bağlamışdılar. Ermənilər insanın ağlına gəlməyən
vəhşilikləri törətmişdilər. Ermənilərin bizə qarşı bu qədər qəddarlığını görə-görə
gəlmişik. Buna görə də mən keçmiş baş nazir Rəhim Hüseynovun Moderator.az
saytında verdiyi müsahibə məni çox təəccübləndirir. Onun öz şəxsi fikirlərini əsas
tutaraq ermənilərin vəhşiliklərini ört-basdır etmək niyyəti mənə çox ağır gəlir.
Rəhim Hüseynovun hərəkətlərini düşmən dəyirmanına su tökmək kimi qiymətləndirirəm,
ermənilərin bizə qarşı elədiklərinə bərabər sayıram. Yaxşı olardı ki, Rəhim
Hüseynov ermənilərin soyqırım törətdiyi Xocalı şəhərindən yazsın, orada qana
susamış ermənilərin saysız-hesabsız vəhşiliklərindən yazsın. Rəhim Hüseynovun
tutduğu mövqeyi pisləyirəm, ona düz yol seçməyi tövsiyə edirəm”x9d.
AVMVB-nin Xocalı və Nizami rayon şöbələrinin və "Veteran" qəzetinin işçiləri -baş redaktor Qafar Şamil oğlu Nuruyev, redaktor Elnarə Kərimova Həmid qızı”x9d
